کفش اکسپرس

المحل مرتب ونظيف جدا والأسعار مناسبة ورخيصه بصراحة نحتاج خصم اكتر برضه 😅 الموضفين قمة في التعامل والاحترافية الأخت أمل مديرة الفرع الله يكرمها ساعدت أولادي في تقديم المساعدة وجميع الموظفات والله (دنيا ونوره و أمينه) الله يعطيهم الف عافيه والف شكر

في موظفة الله يسعدها نوره البيشي كانت متعاونه جداً معي ، نادراً اتسوق الصباح و احصل موظفه نفسيتها حلوه من الصبح
رغم انه مافيه غيرها بالمحل الا إنها قدرت تخدمني بشكل واسلوب حلو و ساعدتني و تعاونت معي الله يسعدها يارب ما قصرت والله

الموظفة اللي في الكاشير السمراء تداوم مساء ايام الحج ماعندها اي لباقة في التعامل، تبغانا نحط كل شيء بنفسنا مع انه شغلها مو ناقص الا نجي نوقف مكانها، وماسكة جوالها تكلم والكستمرز حولها، لما تقولي لها لو سمحتي حاسبيني ذاك الوقت تطل بوجهك
رجاءً عطوهم دورات في التعامل اللبق مع الزباين

المكان روعه و الموظفات روعه و الي مو فاهم القوانين و يحب بس يستفز الموظفات بموضوع وزارة التجاره هذا شي راجع له الوزاره فاتحه ابوابها للكل و لكن الموظفه ما راح تخسر وظيفتها عشان تجادل ناس استيعابهم لاستراتيجية العروض او الاسترجاع و الاستبدال 0 بس يتشطرون بكلمة اشتكيكم عند وزارة التجاره و ثاني شي هي مو غبيه ترجع لك مبلغ كبير بالغلط لان راح يحسب عليها نقص و لو صار زياده راح عليك خلاص 👏🏼👍🏼

المحل روعه وله 4 فروع بالرياض و عندعم عروض تجنن و غير كده جودة
استغرب من الناس معروف في العالم القطعة الاقل هي المجانا و الاكسورات لا ترجع من وزارة التجارة

كاتبين اشتر ٢ والثالث مجاناً كلمت الكاشير قلت باخذ اكسسوار قيمته ٢٥﷼ وشوز قيمته ٩٩﷼ وباخذ شنطة مجاناً سعرها تقريباً ٧٩﷼ قالت اوكي بعد ما حاسبت لي قالت الشنطة ماعليها استرجاع ولا استبدال وانا واقف عندهم قلت وش اللي حسبتوه مجاناً قالو الأقل الأكسسوار يعني عرضهم للأسف خايس ما انصح احد يشتري على العرض اشتر اللي انت تبي واطلع بس العرض مافيه اي مصداقيه وهذا اللي صار معي اليوم حتى عند الاسترجاع الكاشير تخبط في الشوز بيدها على الطاوله معصبه كأنها مو عاجبها رايي وقلت لها في نظام وزارة التجارة يمكن للعميل الاستبدال والاسترجاع مافي شيء اسمه لا يوجد صحصحو ياناس - أيضاً عند استرجاع المبلغ أعطوني فوق حقي ورجعته لهم الزيادة لاني ما ابي اكل حرام والله اشوف انو مدير المحل يتأكد من معرفة الكاشير لكامل الحسبه مهما كان ماله حق الكاشير يعامل الزبون بقساوه احنا قاعدين نشتري بفلوسنا يجب مراعاة كل العملاء هذي وجهة نظري واللي مش مصدق كلامي اشتر نفس منتجي ورجع وهو من حقك ترجع وشوف المعاملة من الكاشير كيف قاسية .

المعرض مرتب المنتجات متعدده اسعار مناسبه بالإضافه إلى خدمه العملاء في قمه الروعه اخلاق اسلوب حسن التعامل المساعده
زرت المعرض من يومين واسعدتني خدمه الموضوع امل البيشي بحيث المساعده بأخرج القياسات طرح الاقتراحات بالمنتجات عجبني اسلوبها واخلاقها مع العملاء الله يعطيها العافيه بالاضافه موظفه لا تخسرونها