لیست فروشگاه لوازم خانگی های اخبار,عربستان سعودی به همراه نظرات

كمتجر جميل ولكن لايوجد تنظيم وبطئ في خدمة العميل بطريقة جعلت العملاء يتكومون بشكل ملفت ومزعج لدرجة ان الواحد يفضل الخروج من المتجر دون الاستفاده من العروض المطروحه.

اسوء شركة تعاملت معها .. تم شراء مكيف سبليت ( نفس الشركة هم الوكلاء لهذا المكيف ) بعد تركيب المكيف باقل من اسبوع بدء يطلع صوت ( طق في البلاستيك + صوت عالي من المروحة الداخلية ) تم التواصل معهم وبعد زيارة الفني وفحص المكيف قلك صوت عادي ( لم يتم حل المشكلة ). تم رفع بلاغ تجاري لوزارة التجارة و في كل مره يغلقوا البلاغ دون اي حل للمشكلة، الان كملت شهرين ولا زالت مستمرة و في كل مره ارفع فيهم بلاغ تجاري يتم الرد ان سوف يتم حل المشكلة في اقرب وقت بس عشان يقفلون البلاغ من وزارة التجارة 👎🏽. خدمات مابعد البيع عندهم وخصوصا الصيانة والاعطال للاسف صفر و دون الصفر كمان. انخدعت وانغشيت معاهم.

أنا حاليا خارج من فرع الخبر وليا ساعه وقاف عند الكاشير ومعايا رقم الاجهزه الي كنت بشتريها ولمن اوصل عند الكاشير يقلي الجهاز غير متوفر نعائيا. طيب من البدايه حطو ورقه توضح انه لا يوجد المنتج في المستودع او شيلوه من العرض او على الاقل قدرو العميل ووفروله الجهاز في حين توفره امن نهايا ومخلينا نتعب وساعه واقفين على قلة فايده شي جدا سيئ في شركه معروفه ما شركة المنيع لو في شركة اخرى كان عوضوني واعطوني جهاز بديل بنفس القيمه بس الاداره عندكم جدا سيئه

اتمنى من شركه المنيع ان تحدد الرسائل النصيه لأي عميل قد شرا قطعه سابقا منهم بمناسبه العروض
او أنتهاء العروض
حصلي ضرف معهم
قبل البارح بليل العرض موجود
اخذت التسعيرات وع اساس الصباح ازورهم للشراء
ومنتظر لهم بس يفتحون اخش الا العروض. ماعادها موجوده وقفوها الساعه ١٢ ليلا

قوه

تجربة سيئه جداً ..
ولا راح اكررها واخذ شي منهم ..
اول شي بخصوص ان احنا شرينا تي في
على ما اخذوا التركيب نلاحقهم قريب الشهر
وقبل شهر اطلب منهم اونلاين ودفعت قيمه التوصيل
ولا يوصل
اكملهم يقولون والله مارفعتي طلب توصيل !؟ طيب والمبلغ اللي انسحب للتوصيل
ورفعت لي طلب وقالت الاثنين يوصل
وبعد ١٠ ايام اتصل وين الطلب
تقلي انت رافعه طلب استلام من المستودع مش توصيل !!!!!!
طيب انا طالبه اونلاين ودافعه قيمه توصيل عشان اروح استلمه من المستودع !؟
انا اقدر ارفع شكوى للي رفعت الطلب وعندي بالتاريخ واليوم والساعه
واخذ التسجيل وارفع فيكم شكوى !!
الموقع غير احترااافي ابدا اذا هو ياخذ الطلب ويندفع للتوصيل وبالاخير تضطر تكلمهم ويقلك والله مافي طلب انرفع ويرفعونه لك بعدم استيعاب تعالي استلام من مستودع !؟
تعاامل غير احترفي ابدا لا الموقع ولا الموظف

قمت بزيارة معرض الخبر لشراء منتج وعند الدفع اتضح انها القطعة الاخيرة ،، للاسف لم يقم موظف المبيعات بتوضيح انه اليوم الاخير للخصم ١٠٪؜ ، وعند الرجوع باليوم الثاني للطلب والاستلام من المستودع تم ابلاغ ان العرض انتهئ ،،، للاسف لايوجد اي احترافية بالخدمة

يتم الاتصال من قبلهم بشكل مزعج ومتكرر بشكل كبير وذلك لتسويق بضاعتهم .. اطلب من ادارتهم عدم ازعاج الناس .. هذة اسوء شركة لا انصح بالتعامل معهم ابدا

عندما تجد كل ماتحتاجه من الأجهزة تحت سقف واحد .. وبأسعار تناسب ميزانيتك مهما كانت .. فريق متعاون وناصح ومبادر .. خدمات مابعد البيع لديهم مميزة والكترونية وسريعة

تعاملهم مع العملاء جداً سلس وواضح ويخلونك ترجع لهم من طيب اسلوبهم الحلو

لا انصح بشراء سماعات بوز منهم او من غيرهم حيث لدي سماعات بوز وبعد سنتين من الشراء عطلت وعند ذهابي للوكيل الدولية للصيانة بالخبر اخبرني الفلبيني هناك لايمكن تصليح سماعات بوز فقط ارميها ونعطيك خصم ٢٥% علي سماعه جديده هل يعقل هذا الكلام

عندي جهاز مكنسة رينبو Rainbow و جيتهم عشان صيانة الجهاز و تغير كلبس مكسور و طبعا كعوايدهم يطلبون منك تترك الجهاز و تستلمه اليوم الثاني عشان يطلعون ألف عيب بالجهاز و يحطونها لك بالفاتورة.
جيت اليوم الثاني أستلم الجهاز لقيتهم اضافوا بالفاتورة "طقم إصلاح" سألت ايش المقصود فيها قال المندوب هذي قطعة داخلية خربانه و غيرناها و لما سألت الفني الي صلح الجهاز يقول هذي عشان التنظيف و تلميع الجهاز.

بإختصار اذا غلطت و اخذت جهاز رينبو منهم انتبه ترجع لهم عشان الصيانة حاول تشتري القطعة الخربانه و تصلحها بنفسك.

If u made a mistake and bought Rainbow, don’t made another mistake and do the maintenance at aDawliah. Get the part and try to fix ur machine by ur self

I wish I don’t back here again

الجهاز ممتاز وجودة عالية وعملي جدا جدا ونادر الخراب يخدمك عشر سنوات بدون مشاكل، وصحي لكنه غالي. سعره الاساسي 12 او 10 آلاف. ولا تصدق انه ب 18 الف هذه خدعة ليقول لك عندنا عرض نشتري منك الجهاز القديم ب 6 الاف مع هدايا صينية رديئة.
الصيانة تستبدل القطع الخربانة بقطع مستعملة عندهم في الورشة، فمثلا يخرب اللي (الهوز) يبدلونه بلي مستعمل تسمع صوت في الماطور يبدلونه بمستعمل ينقطع السلك يبدل بمستعمل (يعني ما في قطع جديدة )مع شرط استمرار تجديد الضمان كل ثلاث سنوات ب 350 واذا تأخرت واستدعيت الصيانة لعطل ما، لا بد تسدد الضمان بأثر رجعي، لو فات على آخر ضمان خمس سنوات تسدد تجديدين ب 700 ريال

حذار ثم حذار من شراء مكنستهم رينبو. ففضلا عن سعرها الخيالي (يقولون لك سعرها 18 الف ولكن لك خصم عدة آلاف وهدايا وكذا وفي النهاية تدفع عالأقل 12000 ريال وهي قيمتها الحقيقية أقل من ربع ذلك) فإنهم يزعجونك بكثرة المكالمات والزيارات من أجل بيعك المزيد من الإكسسوارات والشامبوهات او استبدال الجهاز القديم وغير ذلك. أما خدمة العملاء فسيئة جدا ومكلفة جداً. باختصار لا تضيع وقتك وفلوسك.

أخذت جهاز رينبو ب12 الف ريال على شكل تقسيط وكانو يقولون لي يجيك مندوب الصيانة علشان يشيك عليها كل 3 شهور!!
الان لي اكثر من سنة لم يأتي مندوب الصيانة وطلبته قبل سنتين كان عندي الفلتر مسدود وقال تدفع قيمة الفلتر علما انها لا زالت تحت الضمان لمدة 10 سنوات وتقييمي بشكل عام هذه شركة نصب واحتيال خصوصا مندوبين المبيعات اللي يحطون لك القمر في يد والشمس بيد ويقولون لك اختار !!