لیست رستوران های منامه,بحرین به همراه نظرات

مطعم الاحجار مطعم قديم يتميز بالأكلات البحرية والعالمية

مطعم خدمته جيده ولكن يحتاج تجديد خصوصا وأن مكانه معرض لتلوث السيارات وكثرة تنقلها بالقرب منه عموماً الاكل نظيف ما يحتاج يستاهل والله إذا تبي اكل على السريع

تجربه جميله المطعم اطباقه لذيذه بصراحه

الروبيان حلو والهامور احلى بس الزبيدي فيه ريحة زفره يمكن الشيف مستعيل من كثر الزباين ماشاء الله الاكل طيب بس شوي غالي وأحجام الأسماك صغيره بس الجلسه قريب شارع المعارض ترجعك لسنين الطيبين كيف كان هالشارع مزدحم والحين فاضي يباله محل يرد الروح للشارع هذا

لذيذ جداً خاصة شوربة الكوارع والكباب (الكفته) والملوخية 👌🏻👌🏻

بصراحة الطعم مره لذيذ. والخدمه جميله نوعا ما بس ملاحظتي ع النظافه يعني الايدي العامله شغلها باليد من غير قفاز والمسؤول عن السلطات والطحينية شاب مصري يقطع الليمون وينزل بالسكينه ع الرخام عشان يسنها ويقطع الليمون من غير مايغسل السكين وبالامانه الاكل جدا جدا لذيذ

ما يدخلون احد الا يستفدون منهم ماديا مع الدخول ٥ دينار وبعدها يخلونك تطلب اسعار غالية

الموظف شكله ما يسمع
قايل له جبود عطاني فول
و طلبت فلافل سندويج شكبره على فلافله وحده و الباقي سلطه و الو
و النظافة لك عليها

مطعم مصري لذيذ واسعاره جيدة ، انصح فيه للذي يحب الاكل المصري

المطعم صراحة نظيف اكلة نظيف نفس الأكل الي في مصر بالملي الخدمة ممتازة الموظفين محترمين بالنسبة لمطعم شعبي يعتبر ممتاز

كل شيء هناك سيئ بما تعنيه الكلمه عدد العاملين هناك اكثر من الزوار
مكان تسيطر عليه عماله مصريه محترفه في النصب والاستغفال استغلال واضح يطلقون عليك بنات مصريات تبعهم ومن هنا تبدأ عملية النصب فمجرد جلوسها معك هلا ياطلبات واخر السهره ماتدري وين راحولا انصح بزيارته ولا حتى المرور من جانبه

المطعم موقعه حلو وفي مواقف بس لابد تدفعون اجره وقوف السياره ..
المطعم من الداخل شرح فيها خصوصيه مريح بالجلسه مساحه الجلسه حلوه ..
الخدمه جيده ..
اصناف الطعام شوربه الحاره الحامضه حلوه ولكن مو افضل شي التعليق على الدجاج كان زفر بصراحه لكن سماكه الشوربه واللون والطعم حلو بس المشكله بالدجاج ..

طلبت توست الجمبري بالسمسم المقلي كان ممتاز وطبيعه التوست يشرب زيت لكن القرمشه كانت مثاليه والطعم حلو ..

برياني الدجاج مو طعم البرياني المتعودين عليه لكن طعمه برياني حيدر اباد وهو اصل البرياني عكس بعض او اغلب المطاعم تقدم برياني بومباي وطبعا طعمه مختلف تماما عن الحيدر اباد ..

اما بترشكن كان افضل الاطباق بصراحه قوام وطعم ونكهه ممتازه ..

بصفه عامه المطعم يقدم اصناف كثيره هندي .. شرقي .. اسيوي .. بحريات .. انترناشيونال .. لكن هذي الاطباق الي جربتها ..

بشكل عام الاطباق حلوه والاجواء كانت رايقه وخصوصيه جميله والخدمه سريعه والاسعار حلوه ..

بالتوفيق لهم

جربت الفلافل توصيل عن طريق تطبيق طلبات
للاسف زيت غير طبيعي وبدون طعم
مستحيل ارجع له

مطعم طحت عليه بالصدفه موجود ب شارع المعارض
صراحة النكهة والطعم مره حلوه جدا

وبخصوص الهامور ف ماهو هامور من الاخر
سبق وسألت الكاشير الهندي
وماقصر عطاني الزبدة وكان واضح وقالي ماهو هامور
بس الحقيقة الطعم لذيذ عجبني
والخدمة ممتازه

طلبي دايم هامور مشوي وروبيان جامبو مشوي كذلك

والاسعار متوسطة ومناسبه جدا
انصح به وبشدة

واذا معاك عائلة لاتوديهم فيه
الصدق الوضع مزعج وصراخ
وكلام بذيء من بعض الفئات الفاقدة عقلها اخر الليل .

مطعم ممتاز نصحونا به وانا جيين من الدمام
طعم مصري جميل ودجاج مصري بلدى روعة 👍🏻 رز بالخلطة تحفة 👍🏻

مكان حلو ونظيف وفكرة الطعميه من ناحية الشكل ممتازه مع السمسم.الاخ العامل كريم ويقدم طعميه للزبون .ويقليها فرش اول بالاول.

المكان بالدور الأول سيء جداً والمصري اللي مستلم الديسكو حقير والبيرة حارة والاسعار مبالغ فيها ولا يستاهل ريال واحد أو الزيارة كلش كلش البيرة حارة واضح من الصورة

اكثر من ممتاز
شكرا #فلافل-فاكتوري
stuffed falafel الفلافل المحشيه

شاورما يابسه في صحن كبسه وبيتزا نصها كاتشب ،، طاولات وكراسي هريانه ،، العمال مو لابسين قفازات او كمامات او هيد كوڤر ،،، اللوحه مطعم تركي والعمّال بنقال مدري هنود

الشاورما الدجاج لذيذة ولكن بهاراتها قليلة مرة تحتاج تبهير اكثر ، البطاطس لذيذ ، الخبز ممتاز ولكن الملح فيه زايد ، للاسف مايحطون اهم عنصر مع الشاورما وهو ( الثوم ) .. مع اني سالت الكاشير وسالت العامل بعد وقالولي فيه ثوم حطينا ولكن لما وصلت البيت مافيه الا صوص + كاتشب .. اكثر نقطة ايجابية هي الكمية .. السعر 15 ريال وكمية الدجاج مو قليلة ابداً

لابأس به

تمام

لذيذ

لذيذ