Man Chen

從街上面係睇唔出有間咖啡店 經過幾次見到半開放式店面 本身好擔心冷氣唔夠
今日去到原來店內好夠冷氣
天氣熱order左柚子烏龍湯力同espresso tonic, 前者非常有驚喜 後者表現穩定又夠大杯 柚子檸檬巴斯克蛋糕$55 略貴但味道係值得 口味好清新 店內所有野非常整齊 強逼症患者表示舒適 地下乾淨到反光 有時真係好怕去到cafe坐坐吓走隻小強bb出黎 一張竹簾與街道隔開 坐落又幾正 最終坐左半個下午 會再去幫襯

價錢係偏貴嘅餐廳 不過味道對得住價錢

喺香港食到呢啲較為煮得細緻嘅餐廳其實係越黎越難

每次黎食都一定要食東坡肉 軟糯香甜滑醇 肥嘅部份唔會太油膩 主要就係因為識煮囉 肥而不膩 肉林而不柴 香港好多餐廳其實真係唔一定識煮

醉雞就為傳統果種酒味重 肉比較紮實嘅白皮雞 唔係果種滑果種黃油雞呀 睇自己口味啦

魚肉丸湯亦係另一佳作 魚肉丸唔係食彈牙果種 而係好似梳乎厘果種口感 滑得黎軟嫩 口感特別 又係每次都叫

宋嫂魚羹有啲過咸 下次可以skip

而小籠包中規中矩 可以叫嘅

成餐飯兩個人食已經好飽 希望呢啲老師傅唔好咁快退休 又希望教識徒弟之後徒弟可以發光發亮

餐點4.5星 Canelé天花板
呢間餐廳好多野都好食 係外國果種調味 例如佢嘅紅菜頭沙律裡面有小柑橘 調味係好清新 完全無草青味 又例如佢嘅磅蛋糕望落以為普通偏乾 實際係油潤味濃 Canelé更加係天花板 外脆內軟 極濃焦糖香味 內裡濕潤而又唔會一patpat
我平時會去食早餐 11:00前地下果層買energy breakfast送咖啡 總價$125 牛角包酥脆唔會過油 煙三文魚油潤唔會腥 佢嘅咖啡亦係一絕 （要飲flat white/latte)如果你味覺夠靈敏 可以隱若飲到香菇嘅味 係好香果種香菇味 要親身試過你先明
坐下層有戶外位 不過較擠迫 上層好大 11:00後亦都可以上上層先點餐 （上層也有cashier)
就算週末 叫一杯咖嘛 上二樓慢慢歎 睇下書 唔逼人 非常舒服